Za A Girmama Masu Koyon Karatun Kur’ani A Masallatan Birnin Damascus
Muhammad Anas Al-dawaminah shugaban kwamitin kula da harkokin kur’ania ma’aikatar kula da addini a Syria a zantawarsa da kamfanin dillancin labaran Iqna ya bayyana cewa, za a girmama masu koyon karatun kur’ani mai tsarki a masallatan birnin Damascus a bangarorin harda da kuma karatu.
Ya ce za a gudanar da zaman girmama wadanda suka nuna kwazon ne a masallatan yankunan Bu’aira, Anis, da kuma Dakkul bab da ke a cikin gundumar Damscus.
Muhammad Anas Al-dawaminah ya Klara da cewa makarantar Imam Gazali ce ta dauki nauyin shirya gudanar da wannan taro na girmama daliban a bangaren karatu da kuma hardar kur’ani mai tsarki.
Muhammad Anas Al-dawaminah mahardacin kur’ani mai tsarki ne, wanda kuma shi ne ke jagorantar kwamitin kula da harkokin kur’ani a ma’aikatar kula da harkokin addini ta kasar.
