ایکنا نیوز- امت اخبار کے مطابق احمد شاہ کو حساس اداروں کے اہلکاروں نے گرفتارکرکے پولیس کے حوالے کیا، احمد شاہ، مولانا سمیع الحق قتل کیس میں پولیس کومطلوب تھا تاہم وہ گزشتہ کئی ہفتوں سے روپوش تھا۔
واضح رہے مولانا سمیع الحق کو 2 نومبر کو ان کی رہائش گاہ پر چھریوں کے وار کرکے قتل کردیا گیا تھا جب کہ احمد شاہ ان کے انتہائی قریبی ساتھی سمجھے جاتے تھے اور وہ ان کے ساتھ بطور ڈرائیور اور گن مین کے فرائض بھی سرانجام دے چکے ہیں اور ان کے قتل کی اطلاع بھی احمد شاہ نے ہی پولیس کو دی تھی۔
قابل ذکر ہے کہ مولانا سمیع الحق کو طالبان کا روحانی باپ بھی کہا جاتا تھا ، انکے ہزاروں شاگرد طالبان جنگجووں میں شامل ہیں۔