Kəşmirdə İslami xəttatlıq üzrə sərgi təşkil olunub

Kəşmir Turizm Mərkəzi Kəşmirli xəttatların əl işlərini nümayiş etdirmək məqsədi ilə “Xoş xətt, Kəşmirdə İslami xəttatlıq” adlı sərgi təşkil edib.

İQNA (Beynəlxalq Quran Xəbər Agentliyi) Maide.Az saytına istinadən xəbər verir ki, sərgi Kəşmirin Srinaqar məscidinin nəzdində yenicə fəaliyyətə başlamış Turizm informasiya mərkəzində təşkil olunub.

Sərgi bir həftə müddətində təşkil olunub. Sərgidə ərəb, fars və eləcədə Kəşmir dilində yazılmış əsərlər sərgilənir. Sərgilənən əsərlər arasında Srinaqar şəhərinin müxtəlif məktəblərində təhsil alan 50-dən çox şagirdin, və tanınmış xəttatların əl işləri var.