İslam cəmiyyətinin formalaşmasında Peyğəmbərin (s) mühüm məqsədləri
Beynəlxalq İmam Xomeyni (rəh) Universitetinin dosenti Muhəddəsə Muinifər "İQNA"-ya müsahibəsində Qurani-Kərimdə vəhdət məfhumu və yeri haqqında danışıb ki, bunu aşağıda oxuya bilərsiniz:
İslam cəmiyyətinin formalaşmasında Peyğəmbərin (s) böyük və mühüm məqsədləri diqqətə layiqdir. İnsanlar arasında vəhdət İslam cəmiyyətinin formalaşması üçün mühüm platformalardan biridir və bu səbəbdən də İslamın dini təlimlərində, o cümlədən ayə və rəvayətlərdə vəhdət mövzusuna ciddi diqqət yetirilmişdir.
Bundan əlavə, İslamda ictimai həyat mühümdür və buna görə də İslam fərdi səadət üçün göstərişlərlə yanaşı, kollektiv və ya ictimai səadətə dair göstərişləri də qeyd etmişdir. Bunlardan ən əhəmiyyətlisi bir tərəfdən İslam cəmiyyətlərində insanlar arasında, digər tərəfdən də İslam cəmiyyətlərinin bir-biri ilə birlik məsələsidir.
Vəhdət mövzusuna işarə edən bəlkə də ən bariz ayə budur: "Allahın ipindən (Qurandan, İslamdan və digər ünsiyyət vasitələrindən) möhkəm yapışın və dağılmayın!" (Ali-İmran, 103).
İslam dinləri arasında ortaq mətnlərin yazılması və onların bir yerdə tanıtılması və İslam məzhəblərinin fikir və baxışları arasındakı oxşarlıq bu birliyə nail olmaq üçün nəzəri sahədə həll yollarından biridir. Həmçinin şiə müəllifləri tərəfindən yazılmış müxtəlif kitab və məqalələrin olması da bu məsələnin şiələr arasında əhəmiyyətini göstərə bilər.
Digər şiə alimlərinin sünnilərin müqəddəslıərinə təhqir etməklə mübarizə aparması cəhdləri də geniş ictimaiyyət arasında bu hərəkatın güclənməsində çox təsirli ola bilər. 1369-cu ildə bütün İslam məzhəblərini bir-birinə yaxınlaşdırmaq və İslam birliyinin həyata keçirilməsi məqsədi ilə İslam Məzhəbləri Arasında Yaxınlaşma Məclisi yarandı. Bu forum hər il beynəlxalq İslam vəhdəti konfranslarını keçirməklə və İslam dünyasının tanınmış simalarını bir araya toplamaqla islam dinləri arasında düzgün fikir və ideyaların çatdırılmasını asanlaşdırmağa çalışıb.
Tehranda İslam Məzhəbləri Universitetinin yaradılması da bu məclisin İslam vəhdətinin reallaşmasında strategiyalarından biri sayıla bilər. Sünni və şiə tələbələrinin və ustadlarının dinc, bir-birinin kənarında yaşamalarını mükəmməl şəkildə əks etdirən bu universitetin mühiti İslam məzhəbləri arasında dostluq, hörmət və birlik ilə dolu bir mühitdir. Şiə və sünni ibadətçiləri camaat namazında yan-yana dururlar. bir sözlə birlikdə yaşayırlar.
Bundan əlavə, bu forumun dərc etdiyi yazılı əsərlər həm sünni və şiə alimlərinin və sadə insanların fikirlərinin işıqlandırılmasında təsirli ola bilər. Nəhayət, bu forumun İslam ölkələrində İslam birliyi ilə bağlı ideyaların təqdim edilməsi istiqamətində göstərdiyi səylər bu forumun islam məzhəblərini bir araya gətirmək, islam məzhəblərinin təbliği və gücləndirilməsi istiqamətində daha bir fəaliyyəti ola bilər.
4090465
