Həzrət Zəhranın (s) şəhadətinin ildönümündə İmam Əlinin (ə) hərəmi
"İQNA", Astan Ələvi xəbər saytına istinadən bildirir ki, İmam Əlinin (ə) müqəddəs hərəmi ilə bağlı şöbə və idarələr Həzrət Zəhranın (s) şəhadət ildönümü münasibətilə bu müqəddəs məkana gələn zəvvarlara ən yaxşı xidmət göstərmək üçün bütün güc və səylərini səfərbər ediblər.
İmam Əlinin (ə) fəaliyyətinin təşkili üzrə ali komitənin rəhbəri Heydər Əl-İsavi bununla bağlı deyib: “İmam Əlinin (ə) hərəmi əzadarları qəbul etmək üçün vahid plan hazırlayıb və bununla bağlı Həzrət Zəhra (s) və Heydəri (ə) həyətlərində zəvvarların yerləşdirilməsi üçün yerlər xalça və kilimlərlə təchiz edilib.
O, səyyar sağlamlıq mərkəzlərinin də zəvvarlara xidmət göstərmək üçün hər cür avadanlıq və şəraitlə təchiz edildiyinə diqqət çəkərək dedi: “Mədəni və dini müstəvidə “Əl-Möhsün” mərkəzi müqəddəs Nəcəf şəhərinin mərkəzinin girişində zəvvarların qarşılanması və onlara mədəni xidmət göstərilməsi üçün xüsusi şərait yaradıb. Həmçinin hərəmin dini işlər idarəsi dini proqramlar, əzadarlıq məclisləri və minbərlər təşkil edib”.
Əl-İsəvi sözünə belə davam etdi: “İmam Əlinin hərəminin qonaq evi hazırda zəvvarlara 24 saat yemək verir və qadınlar bölməsində xüsusi plan həyata keçirilib, bu baxımdan əzadar qadın zəvvarların qəbulu üçün yerlər ayrılıb.
4188381
