عراق ته د یو میلیون او 300 زره بهرنیو زیارت کوونکو رسېدل او د امام حسین (ع) په زیارت کې د غنا شیعیانو ماتم ( ویډیو)
د ايكنا د خبر له مخې، د ايران او عراق له شپږو پولو څخه د تېرېدو لپاره د سيد الشهداء (ع) د مينوالو سېلاب د تېرو څو ورځو په پرتله خپل اوج ته رسېدلى او په تېرو ٢٤ ساعتو کې له پولو څخه تګ راتګ زيات شوى دى او هره شېبه د اربعين په مراسمو کې د ګډون لپاره د زيارت کوونکو ګڼه ګوڼه د زیاتېږي.
د زیارت کوونکو د زیات نفوس سره سره، په سرحدونو کې د دوی تګ راتګ په اسانۍ او له کومې ځانګړې ستونزې پرته روان دی. د هوا د تودوخې له امله، زياتره زيارت کوونکي د شپې په سړه هوا کې له پولې تېرېدو ته ترجيح ورکوي چې ځانونه زيارتونو ته ورسوي.
تېره شپه د عراقي چینلونو له خوا د چذابه پولې هوايي انځورونه هم خپاره شول چې د ایران او عراق تر منځ د نورو ځمکنیو لارو په څېر په دغه کرښه کې د زیارت کوونکو پراخ حضور ښيي.
د عراق د کورنیو چارو وزارت پرون دوشنبه اعلان وکړ چې د امام حسین (ع) د اربعین په مراسمو کې د ګډون لپاره د بغداد، کربلا معلی او نجف اشرف له ځمکنیو پولو او هوایي ډګرونو څخه عراق ته د ننوتو زائرینو شمېر یولسو ته رسیدلی دی چې یو میلیون او 297 زره او 466 کسان دي.
د کربلا ولایت د داخلي چارو او امنیت د څانګې مشر خضیر الصافي هم په کربلا کې د بغداد او نورو عراقي ولایتونو د څه دپاسه ۹۰ امنیتي قطعاتو په شتون سره د خاص اربعین امنیتي پلان د بشپړ تطبیق اعلان وکړ.
په علوي ولایت کې د زیارت کوونکو د استقبال د څانګې مشر اثیر التمیمي هم د دې په بیان سره اعلان وکړ چې دې ولایت د څو میلیونو زیارت کوونکو د کوربتوب لپاره خپلې ټولې هڅې کړې دي او وویل چې د زیارتونو له انګړ او سړکونو بهر د زیارت کوونکو د خوراک لپاره ټول ځایونه او مزار ته تللې لارې خلاصې شوې دي.
