İranın Qum şəhərində Əhli-Beyt (ə) Beynəlxalq Asambeleyasının təşəbbüsü ilə ‘Həzrət Əbu Talib (ə); Böyük Peyğəmbərin (s) hamisi’ adlı beynəlxalq konfrans keçirilir.
Konfrans Həzrət Məhəmməd (s) peyğəmbərin əmisi və hamisi Əbu Talibin şəxsiyyətinin tanınması və həyatının parlaq səhifəsinin cəmiyyətə çatdırılması məqsədi ilə Ərəb, Fars və İngilis dillərində keçirilir.
Üç gün davam edəcək konfrans ötən gün Ayətullah Məkarim Şirazinin vidoe müraciətilə öz işinə başlayıb.
Ayətullah Məkarim Şirazi Həzrət Əbu Talibin həyatı haqqında sənədli filmin çəkilməsinin zəruriliyini vurğulayıb. "Həzrət Əbu Talib haqqında geniş iş görülüb və bugünki gənc nəslə İslamın böyük şəxsiyyəti olan Həzər Əbu Talibi tanıtdırmaq üçün daha çox iş görülməlidir."
Konfransda tarix, əqaid, kəlam, rical, kitabşünaslıq, Ərəb ədəbiyyatı və digər sahələrdə araşdırmaq aparan şəxslərin məqalələri oxunub. Kofnrans çərçivəsində xüsusi komitələrdə həzrət Əbu Talibin şəxsiyyəti, elmi məqamı və şeirləri haqqında müzakirələr aparılıb.
Ayətullah Safi Qulpayqani İslam ümmətinin Həzrət Əbu Talibə borclu olduğunu vurğulayıb. "Həqiqətən Həzrət Əbu Talib (ə) və onun dəyərli nəsli İslama böyük xidmət edib. Bütün şiələr və müsəlmanların borcudur ki, o həzrətin tanıtdırılması üçün çalışsın."
Konfrans sabah Ayətullah Nuri Həmədaninin və Ayətullah Sübhaninin video müraciəti eləcə də İslam dünyasının tanınmış şəxsiyyətlərinin çıxıışı ilə öz işini başa çatdıracaq.
Konfrans bağlanış mərasimində Misirin Əl-Əzhər Universiteti, İranın Mədəniyyət və İslami İrşad naziri və İslam dünyasından elmi şəxsiyyətlər və alimlər iştirak edəcək.