Идомаи тазоҳурот алайҳи Нетаняҳу ва дархости мубодилаи фаврии асирон
Ба гузориши манобеи хабарӣ, ҳазорон нафар аз сокинони сарзаминҳои ишғолӣ дар Телавив душанбе шаб тайи тазоҳуроте алайҳи сиёсатҳои кобинаи Нетаняҳу дар мудирияти ҷанги Ғазза хостори тавофуқ барои озодсозии фаврии асирони исроилӣ дар Ғазза шуданд.
Маркази иттилоъ расонии Фаластин душанбе шаб гузориш дод, ки ҳазорон нафар аз шаҳракнишинон душанбе шаб бо барпоии тазоҳурот дар Телавив, хостори иқдоми фаврӣ барои озодии асирони саҳюнистӣ дар Ғазза шуданд.
Дар ҳамин иртибот, шабакаи 12 телевизиони режими саҳюнистӣ эълом кард, ки шаҳракнишинони саҳюнистӣ муҷаддадан зери бориши шадиди борон дар Телавив даст ба тазоҳурот зада ва хостори иқдоми фаврӣ барои озодии асирони исроилӣ дар Ғазза шуданд.
Бисёре аз таҳлилгарон дар Фаластини ишғоли мӯътақиданд, ки Нетаняҳу танҳо фарде аст, ки мехоҳад ҷанги Ғаззаро барои аҳдофи шахсии худ тӯлонӣ кунад то ҷое, ки Яир Лапид, раҳбари мухолифони Исроил дар ин бора гуфтааст, ки Нетаняҳу ҳеҷ аҳамияте ба Исроил намедиҳад балки фақат ба манофеи сиёсии худ меандешад.
Дар ҳамин робита шабакаи 12 ибрӣ забон шомгоҳи шанбе ба нақл аз Мари Рего, вазири ҳамлу нақл ва узви кобинаи амниятӣ ва сиёсии режими саҳюнистӣ гузориш дод: тазоҳуркунандгоне ҳастанд, ки мехоҳанд Нетаняҳуро террор кунанд.
Расонаҳои ибрӣ забон рӯзи шанбе навиштанд, ки панҷ тазоҳуркунанда дар тайи тазоҳуроти Телавив, ки хостори баргузории интихоботи зудҳангом ва табодули асирон бо Ҳамос шуда буданд, захмӣ шуданд, дар ҳоле, ки полиси Исроил аз захмӣ шудани як афсари зан дар ҷараёни тазоҳурот хабар дод.
Рӯзномаи Едиот Аҳаронот навишт: ҳазорон исроилӣ дар чандин минтақа дар саросари Исроил тазоҳурот карданд ва хостори баргузории интихоботи зудҳангом ва инъиқоди қарордоди табодули асирон шуданд.
Дар ҳамин росто, Бенни Гантз, вазири кобинаи ҷанги режими палид ва ҷинояткори саҳюнистӣ гуфт: ҳодисаи зер гирифтан бо худрав дар Телавив ҳавлнок ва мустаҳиққи маҳкумият аст ва ҳамаи мо бояд ҳаргуна хушунатро маҳкум кунем.
Вай афзуд: ташбеҳи тазоҳуркунандагон ба душманон ва муттаҳам кардани онҳо ба қасди террори Нетаняҳу, бемасъулиятии миллӣ аст.
Эътирози исроилиҳо соате пас аз он рӯй медиҳад, ки рӯзномаи саҳюнистии Едиот Аҳаронот душанбе шаб фош карда, ки дарҳоле, ки аксарияти аъзои кобинаи ҷанги режими саҳюнистӣ бо тарҳи Амрико барои оташбас дар Ғазза мувофиқат кардаанд, аммо Нетаняҳу мухолиф ин тарҳ аст.
Ин рӯзнома ҳамчунин гузориш карда, ки Нетаняҳу ба далели фишорҳои Безалел Смотрих вазири дороӣ ва Итамар Бен Гойер, вазири амнияти дохилии ин режим бо пешниҳоди Амрико барои оташбас дар Ғазза мухолифат ва бори дигар азми худро барои вуруд ба Рафаҳ ҷазм кардааст.
Бар асоси гузориши ин расона, Нетаняҳу ба тими музокира кунандаи табодули асирон гуфта, ки эълом кунанд, ки Исроил мувофиқи тарҳи Амрико нест.
Ин дарҳоле аст, ки нахуствазири режими палид ва ҷинояткори саҳюнистӣ соате пеш дар ин бора гуфт: бар сари таърихи вуруди артиши Исроил ба шаҳри Рафаҳ дар Навори Ғазза тавофуқ шудааст.
Нахуст вазири режими саҳюнистӣ дар ҳоле мухолифи тарҳи Амрико барои тавофуқи оташ бас дар Ғазза аст, ки якшанбе ба даъвати Миср, ҳайате аз Ҳамос ва режими саҳюнистӣ барои ширкат дар музокироти марбут ба оташбас дар Ғазза роҳии Қоҳира шуд.
Ба гуфтаи манобеи мисрӣ, дар музокироти Қоҳира раиси созмони Сиёҳ ва нахуствазири Қатар ҳам ҳузур доранд.
«Исмоил Ҳания» раиси дафтари сиёсии Ҳамос дар ин бора таъкид кард, ки ҳаргуна музокирае бояд шомили барқарории оташбаси доим ва ақиб нишинии комили ишғолгарон аз Ғазза бошад.
Ҳайатҳои Ҳамос ва режими саҳюнистӣ авосити моҳи гузашта низ музокира дар бораи барқарории оташбас дар Навори Ғазза ва мубодилаи асирон дар Қоҳира пойтахти Мисрро оғоз карда буданд.
https://tajikpress.com/2024/04/09/
